Հայոց ցեղասպանությանը նվիրված Եվրախորհրդարանի բանաձևը կվատթարացնի ԵՄ-ի հետ հարաբերությունները. Թուրքիայի ԱԳՆ
Աշխարհ
Եվրախորհրդարանի բանաձևը, որը կոչ է անում Թուրքիային ճանաչել Հայոց ցեղասպանությունը, կարող է հանգեցնել Անկարայի և Բրյուսելի միջև հարաբերությունների վատթարացմանը: Այդ մասին ասվում է Թուրքիայի արտաքին գործերի նախարարության հաղորդագրության մեջ, գրում է ՌԻԱ Նովոստին:
Եվրախորհրդարանը երեկ ընդունել էր 1915 թ. ողբերգության հարյուրամյակին նվիրված բանաձև, որով կոչ է արվում Թուրքիային «ճանաչել Հայոց ցեղասպանությունը», և այդպիսով նպաստել երկու ժողովուրդների միջև խաղաղության վերականգնմանը:
«Եվրախորհրդարանի միակողմանի մոտեցումը 1915 թվականի իրադարձությունների գնահատականի հանդեպ պոտենցիալ կերպով կվատացնի Թուրքիայի և ԵՄ-ի հարաբերությունները: Դա չի օգնի լուծել խնդիրը Թուրքիայի և Հայաստանի միջև»,- ասվում է ԱԳՆ հայտարարության մեջ:
Թուրքիայի ԱԳՆ-ն մեղադրել է Եվրախորհրդարանին այն բանում, որ այն խոչընդոտ է ստեղծում Թուրքիայի և ԵՄ-ի հարաբերությունների զարգացման համար և «ձգտում է հերթական անգամ վերաշարադրել 1915 թվականի իրադարձությունների պատմությունը»:
Համաձայն ԱԳՆ հայտարարության` Անկարան «լուրջ չի ընդունում նրանց, ովքեր ընդունել են այդ բանաձևը»:
ՈՒՂԻՂ ԵԹԵՐ
Ամենադիտված 
Ողբերգական դեպք՝ Երևանում
