Դոնբասում, չնայած կողմերի հրապարակային հայտարարություններին, ծանր սպառազինության հետքաշումն ավարտված չէ. ԵԱՀԿ
Աշխարհ
Ուկրաինայի արևելքում հակամարտության կողմերը չեն ավարտել ծանր սպառազինության հետքաշումն անվտանգության գոտուց, չնայած հանրային հայտարարություններին: Այդ մասին ԵԱՀԿ-ի դիտորդները հայտնել են կազմակերպության կայքում հրապարակված հաշվետվության մեջ, փոխանցում է ՏԱՍՍ-ը:
Բացի այդ, նրանց տվյալներով, ինչպես Կիևի, այնպես էլ ինքնահռչակ Դոնեցկի Ժողովրդական Հանրապետության կողմից հետքաշված տեխնիկայի մի մասը տեղափոխվել է դրանց գտնվելու վայրերից:
Ուկրաինայում ԵԱՀԿ-ի հատուկ մոնիթորինգային առաքելության ներկայացուցիչ Մայքլ Բոցյուրկիվը հայտարարել է, որ ներկայումս Շիրոկինոյի իրադրությունը կարելի է գնահատել աղետալի: «Իրադրությունն աղետալի է, չկա խմելու ջուր, էլեկտրականություն, սննդամթերք և դեղորայք»,- հայտնել է նա:
Ռուս-ուկրաինական սահմանի «Գուկովո» և «Դոնեցկ» սահմանապահ կետերում աշխատող ԵԱՀԿ-ի դիտորդները վերջին շաբաթվա ընթացքում Ուկրաինա վերադարձող մարդկանց թվի կրկնակի աճ են գրանցել:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
