Forbes-ը հրապարակել է Ռուսաստանի ամենահարուստ գործարարների ցանկը

Forbes ամսագիրը հրապարակել է Ռուսաստանի 200 ամենահարուստ գործարարների վարկանիշային աղյուսակը, գրում է Газета.Ru-ն:

2015 թվականի վարկանիշային աղյուսակում առաջատարն է «Նորիլսկի նիկել»-ի տնօրեն Վլադիմիր Պոտանինը: Նրա կարողությունը գնահատվում է 15,4 մլրդ դոլար, նախորդ տարվա համեմատ այն աճել է 2.8 դոլարով:

Երկրորդ տեղում է գործարար Միխայիլ Ֆրիդմանը (Ալֆա-գրուպ, X5 Retail Group և այլն): Տարվա ընթացքում նրա կարողությունը կրճատվել է 3 միլիարդ դոլարով`14.6 միլիարդ դոլար: Ֆրիդմանը պահպանում է երկրորդ տեղը վարկանիշային աղյուսակում երկրորդ տարին անընդմեջ:

Երրորդ տողում է Ալիշեր Ուսմանովը («Մեգաֆոն», «Մետալոինվեստը», Mail.ru Group և այլն): Ուսմանովի կարողությունը տարվա ընթացքում նվազել է 4.2 մլրդ դոլարով՝ 14.4 մլրդ դոլար:

Առաջին հնգյակում ընդգրկված են նաև Վիկտոր Վեկսելբերգը (կարողությունը $ 14.2 մլրդ) և Ալեքսեյ Մորդաշովը ($ 13 մլրդ):