SpaceX-ը ցուցադրել է Falcon 9-ի առաջին աստիճանի պայթյունի տեսագրությունը

SpaceX ընկերությունը ցուցադրել է վթարի տեսագրությունը Falcon 9 տանող հրթիռի առաջին աստիճանի վայրէջքի ժամանակ, հաղորդում է «Արմենպրես»-ը՝ հղում անելով NBS News-ին: Տեսագրության մեջ նկատելի է, որ հրթիռի աստիճանին հաջողվել է հասնել լողացող հարթակին, սակայն դրա հետ հպվելիս հրթիռի հատվածը շեղվել է ուղղահայաց դիրքից և պայթել:

Falcon 9-ի հաջորդ արձակման ընթացքում, որը պետք է կայանա 2015 թվականի ամռանը, SpaceX-ը հուսով է չորրորդ անգամ փորձարկել հրթիռի տարրերի բազմակի օգտագործման տեխնոլոգիան: Ըստ որում Իլոն Մաքսի ընկերությունը պլանավորում է առաջին աստիճանն իջեցնել ոչ թե ծովային հարթակի, այլ ցամաքային հարթակի վրա: Մասնագետների կարծիքով՝ դա թույլ կտա մեծացնել հարթակի կայունությունը:

Ավելի վաղ հաղորդվել է, որ Falcon 9 տանող հրթիռի, որը Dragon տիեզերական բեռնատարի հետ 2015 թվականի ապրիլի 15-ին Երևանի ժամանակով ժամը 00:10-ին մեկնարկել էր Ֆլորիդայի Քանավերալի հրվանդանի տիեզերակայանից, առաջին աստիճանը Ատլանտյան օվկիանոսում հարթակի վրա վայրէջք կատարելիս շրջվել է ավելցուկային կողային արագության պատճառով: