ԱՄՆ Ֆինիքս քաղաքում փոխհրաձհության հետևանքով հինգ մարդ է զոհվել

Ամերիկյան Արիզոնա նահանգում գտնվող Ֆինիքս քաղաքի տներից մեկում հայտնաբերվել է հինգ մարդու մարմին: Նրանք սպանվել են փոխհրաձգության հետևանքով, որը տեղի է ունեցել կենցաղային վիճաբանության արդյունքում: Այս մասին հաղորդում է Los Angeles Times-ը՝ վկայակոչելով ոստիկանությանը:

Սպանված երեք տղամարդկանց և հինգ կանանց անունները չեն բացահայտվում: Նշվում է, որ մի կին կարողացել է դուրս գալ տնից: Նա հայտնել է ոստիկանությանն ընտանեկան վեճի մասին, որը վերաճել է փոխհրաձգության:

Դեպքի վայր ժամանած ոստիկանները և հատուկ ջոկատայինները հայտնաբերել են, որ տան դռներն ու պատուհանները շրջափակված են: Հատուկ նշանակության ջոկատի ուժեղացված խումբը գործի է դրել հատուկ ռոբոտի, որն ուսումնասիրել է տան տարածքը, մինչև իրավապահների ներս մտնելը:

Իրավապահները կարծում են, որ փոխհրաձգությանը մասնակցել են միայն այդ ընտանիքի անդամները: