Բրազիլիայում 37 տոննա սատկած ձուկ են հանել «օլիմպիական» լճից

Ռիո դե Ժանեյրոյում բնապահպանները տագնապ են հնչեցնում լճերից մեկում ձկների զանգվածաբար սատկելու կապակցությամբ, որտեղ պետք է թիավարողների մրցումներ անցկացվեն Օլիմպիական խաղերի ընթացքում, տեղեկացնում է «Արմենպրես»-ը՝ հղում անելով BBC-ին:

Տեղի բնակիչները գանգատվում են լճի շրջակայքում տիրող խեղդող հոտից:

Ինչպես հայտնել են քաղաքի իշխանությունները, լճից հանվել են շուրջ 37 տոննա ընդհանուր քաշով ձկներ, որոնք սատկել են սաստիկ անձրևներից հետո ջրի ջերմաստիճանի կտրուկ անկման պատճառով:

Մինչդեռ տեղի համալսարանի գիտնականները պնդում են, որ ձկների սատկելու պատճառ է դարձել լճի աղտոտումը: