ՀՀ ոստիկանությունը ներկայացրել է ՃՏՊ-ների ամփոփագիրը

ՀՀ ոստիկանությունը ներկայացրել է ճանապարհատրանսպորտային պատահարների սեպտեմբերի 14-ի ամփոփագիրը։

 ՀՀ ոստիկանության պաշտոնական կայքից տեղեկանում ենք, որ «սեպտեմբերի 14-ին, ժամը 12.00-ին, Երևանի Էրեբունի և Ազատամարտիկների փողոցների խաչմերուկում, իրար են բախվել «Ֆորդ» և «Հոնդա» մակնիշի ավտոմեքենաներ:

«Հոնդա»-ի 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

Սեպտեմբերի 14-ին, ժամը 18.15-ին, «Օպել» մակնիշի ավտոմեքենայի վարորդը Երևանի Գլինկայի և Լիսինյան փողոցների խաչմերուկում վրաերթի է ենթարկել 8-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:

Սեպտեմբերի 14-ին, ժամը 16.30-ին, «Ռենո» մակնիշի ավտոմեքենայի վարորդը Երևանի Ազատության պողոտայի և Ադոնցի փողոցի խաչմերուկում վրաերթի է ենթարկել 29-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

Սեպտեմբերի 14-ին, ժամը 23.00-ին, Երևանի Հրաչյա Քոչարի փողոցի թիվ 143 հասցեի մոտ իրար են բախվել «Տոյոտա» և «Օպել» մակնիշի ավտոմեքենաներ:
«Օպել»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

Սեպտեմբերի 14-ին, ժամը 8.50-ի սահմաններում, «Մերսեդես» մակնիշի ավտոմեքենայի վարորդը Աշտարակի Գրիգոր Նարեկացու փողոցի թիվ 65 հասցեի դիմաց վրաերթի է ենթարկել 73-ամյա տղամարդու և իր ավտոմեքենայով տեղափոխել հիվանդանոց:
Կատարվում է քննություն:

Սեպտեմբերի 14-ին, ժամը 17.00-ի սահմաններում, Երևան-Սևան ճանապարհի 14-րդ կմ-ին իրար են բախվել «Լեքսուս», «Նիսսան Տիդա» և «Միցուբիշի Կոլտ» մակնիշի ավտոմեքենաներ: 
«Միցուբիշի Կոլտ»-ի 2 ուղևորները մարմնական վնասվածքներով դիմել են հիվանդանոց:
Կատարվում է քննություն:

Սեպտեմբերի 14-ին, ժամը 20.30-ի սահմաններում, Նոր Գեղի-Եղվարդի ճանապարհի 1-ին կմ-ին իրար են բախվել «ԶԻԼ 131» և «ԳԱԶ 2410» մակնիշի ավտոմեքենաներ:
«ԳԱԶ 2410»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

Սեպտեմբերի 14-ին, ժամը 21.45-ի սահմաններում, Երևան-Գյումրի ճանապարհի 95-րդ կմ-ին՝ Սառնաղբյուր գյուղի խաչմերուկում, իրար են բախվել «ԶԻԼ» և «Օպել Վեկտրա» մակնիշի ավտոմեքենաներ:
«Օպել Վեկտրա»-ի վարորդը և ուղևորը, «ԶԻԼ»-ի վարորդը և ուղևորը մարմնական վնասվածքներով տեղափոխվել են հիվանդանոց:

Սեպտեմբերի 14-ին, ժամը 20.40-ի սահմաններում, «Մերսեդես Բենց» մակնիշի ավտոմեքենան Հոռոմ-Արթիկ ճանապարհի 1-ին կմ-ին բախվել է քարերի, ինչի հետևանքով ուղևորը մարմնական վնասվածքով տեղափոխվել է հիվանդանոց:
Կատարվում է քննություն»: