Մեզ անհրաժեշտ է նոր որակի ընդդիմություն. Արման Վարդանյան (տեսանյութ)

Եթե «Ծառուկյան» խմբակցությունը կոալիցիա մտնի, լինի ՀՀԿ-ՀՅԴ-«Ծառուկյան» կոալիցիոն իշխանություն, ապա դրանից հետո պետք է ցրել Ազգային ժողովը:  Այս մասին «Առաջին լրատվական»-ի հետ զրույցում ասել է «Միասնություն» շարժման համակարգող խորհրդի ղեկավար Արման Վարդանյանը:

«Որովհետև այդ դեպքում ՀՀ ԱԺ-ում 90-ից ավել տոկոսով ներկայացված կլինի իշխանական թևը: Էական չէ, որ քաղաքական ուժերով և ընդամենը 7-8 տոկոսով ներկայացված կլինի ընդդիմությունը՝ ի դեմս «Ելք» խմբակցության: Ես ինքս սահմանադրության մասնագետ չեմ, բայց մեր սահմանադրությունը ասում է մի բան՝ որ ԱԺ-ում ընդդիմությունը պետք է ունենա 1/3 ձայների իրավունք: Եվ այսօր «Ծառուկյան» դաշինքն ապահովում է այդ 1/3-ը՝ ստանալով մոտ 30 տոկոս ձայն: Եթե այդպիսի կոալիցիա կազմվի, ապա դրանից հետո մենք պետք է ֆիքսենք, որ քաղաքական որևիցե համակարգ չկա: Այսինքն՝ երկիրը կառավարվում է Բաղրամյան 26-ից, թե կառավարությունից, կամ ինչ-որ սարի վրայից՝ էական չի լինի. քաղաքական համակարգը դրանով վերանալու է»,-շեշտել է Վարդանյանը:

Արման Վարդանյանն իր խոսքում նշեց, որ Հայաստանում քաղաքականությամբ սովորաբար սկսում են զբաղվել այն մարդիկ, որոնք ոչ մի այլ ոլորտում հաջողություն չեն գրանցում: Քաղաքական գործիչների 80 տոկոսն էլ իր հարստությունը և այլ ռեսուրսները սկսում է կուտակել այն ժամանակ, երբ զբաղվում է քաղաքական գործունեությամբ:

Արման Վարդանյանի հարցազրույցն ամբողջությամբ՝ դիտեք ստորև.