Գուրգեն Խաժակյանն ԱԳՆ-ից հեռացվել է դիվանագիտական գործունեությունում պիտանի չլինելու պատճառով. ԱԳՆ խոսնակի ժամանակավոր պաշտոնակատար

 ԱԳՆ նախկին աշխատակից Գուրգեն Խաչատրյանն աշխատանքից հեռացվել է դիվանագիտության մեջ որևէ պիտանիություն չունենալու պատճառով, և նրա հրապարակումները մեկնաբանության արժանի չեն։ Այս մասին օգոստոսի 14-ին հրավիրված ճեպազրույցում լրագրողներին հայտնեց նախարարության խոսնակի ժամանակավոր պաշտոնակատար Աննա Նաղդալյանը։

«Երբ առաջին քայլերն էի անում դիվանագիտության ոլորտում, Գուրգեն Խաժակյանի դեպքը որպես օրինակ էր բերվում, քանի որ նա, եթե չեմ սխալվում, ԱԳՆ պատմության մեջ միակ անձնավորությունն է, որ աշխատանքից հեռացվել էր որևէ դիվանագիտական գործունեությունում պիտանիություն չունենալու պատճառով։ Այդպես գրված էր հեռացման պաշտոնական փաստաթղթում»,- ասաց Նաղդալյանը։

Խոսնակի ժամանակավոր պաշտոնակատարի խոսքով՝ ԱԳՆ նախկին աշխատակիցների կամ դիվանագիտության հետ նախկինում առնչություն ունեցող անձերի՝ նման ձևակերպմամբ հոդվածներն իրականում ապացուցում էին, որ դրանք մեկնաբանության արժանի չեն։

Գուրգեն Խաժակյանն օգոստոսի 8-ին հոդված էր հրապարակել, որտեղ Արտաքին գործերի նախարար Զոհրաբ Մնացականյանին մեղադրել էր երկրի նոր ղեկավարությանը «թիկունքից հարվածելու մեջ»։