«Կալաշնիկով»՝ անհայտ ծագման ընկերությունից

ՊՆ մամուլի քարտուղար Արծրուն Հովհաննիսյանն իր ֆեյսբուքյան էջում այսօր չափացանց կարևոր լուր էր հրապարակել: Խոսքը «Royalsys Engineering ltd.» ընկերության և ռուսական «Կալաշնիկով» կոնցերնի միջև ստորագրված պայմանագրի մասին է, որով նախատեսվում է Հայաստանում Կալաշնիկովի նոր «АК-12» և «АК-15» նմուշների արտադրություն հիմնել: Խնդիրը սակայն կայանում է նրանում, որ վերոնշյալ «Royalsys Engineering ltd.» ընկերության վերաբերյալ տեղեկատվությունը մեզ չհաջողվեց գտնել ոչ հայկական, ոչ էլ ռուսական ընկերությունների համապատասխան ռեեստրերում: Փաստորեն անչափ կարևոր գործարքի վերաբերյալ տեղեկատվությունը տրվում է ընդամենը չորս տողով, ֆեյսբուքյան գրառման տեսքով՝ առանց հանրությանը պարզաբանելու , թե այդ ինչ ընկերություն է , որին վստահվել է ռազմական արդյունաբերության ոլորտում նման կարևոր գործարքի կնքումը:  Պաշտոնական հաղորդագրությամբ գործարքի կողմ հանդիսացող ընկերությունների վերաբերյալ տեղեկատվություն չտրամադրելը,գերատեսչության որդեգրած աշխատանքի նման գործելաոճը,  հասարակության շրջանում զանազան հարցերի տեղիք կարող է տալ, հատկապես որ խոսքը մի ոլորտի մասին է, որտեղ միլիարդներ են պտտվում: