«Հայ եկեղեցու պատմություն» առարկան չի հանվում օրակարգից․ Մակունց
Հասարակություն
«Հայ եկեղեցու պատմություն» առարկան չի հանվում օրակարգից, այն համադրվելու է հայ ժողովրդի պատմության հետ եւ բովանդակային առումով որեւէ փոփոխություն չի լինելու։ Այս մասին այսօր՝ հունիսի 8-ին, լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով հանրային քննարկման ներկայացված՝ կրթության նոր չափորոշիչներին, ըստ որոնց «Հայ եկեղեցու պատմություն» առարկան առանձին չի դասավանդվելու դպրոցներում։
«Բացարձակ փոփոխության չի ենթարկվելու առարկայի բովանդակային հատվածը։ Կարծում եմ՝ քրիստոնեության եւ հայ եկեղեցու դերը թե հայապահպանման գործում, թե հայոց լեզվի եւ հայագիտության պահպանման գործում, թե պետության համար շատ կարեւոր է եղել եւ այդ հատվածը հանդիսանում է մեր պատմության ամենակարեւոր բաղկացուցիչ մասերից մեկը։ Քանի որ դեռ քննարկման փուլում է, կարծում եմ՝ դեռ ժամանակ կա եկեղեցու հետ քննարկումներ ծավալելու առումով»,- ասաց նա։
Անդրադառնալով այն պնդումներին, որ սա եկեղեցու դեմ արշավ է, Մակունցը նշեց․
«Չգիտեմ՝ ինչքանով է այս պահին, օրինակ իրականությանը համապասատանում, բացարձակ չի համապատասխանում իրականությանը»։
Մակունցը նշեց, որ պատրաստվում է շուտով այս հարցով հանդիպել Մայր Աթոռի ձեռագրատան, արխիվի և թանգարանների տնօրեն Ասողիկ աբեղա Կարապետյանի հետ։
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
