Նիկոլ Փաշինյանը ՀՀ էկոնոմիկայի նախարար է նշանակելու Menu.am ցանցի սեփականատեր Վահան Քերոբյանին․ Mediaport

Ձախողակ գորածարարից մինչև նախարար. Ինչ կենսագրություն ունի էկոնոմիկայի ապագա նախարարը Mediaport-ի՝ կառավարության աղբյուրների փոխանցմամբ, Նիկոլ Փաշինյանը ՀՀ էկոնոմիկայի նախարար է նշանակելու Menu.am ցանցի սեփականատեր Վահան Քերոբյանին։ Վահան Քերոբյանը եղել է «Սթար» սուպերմարկետի տնօրենը։ Քերոբյանի ղեկավարման շրջանում սուպերմարկետը սնանկացավ և մեծ պարտքերով դադարեցրեց գործունեությունը։ Նշենք, որ նույն բիզնես խմբի մեջ է եղել նաև «Օմեգա» ստրիպտիզ ակումբը։ Այնուհետ օլիգարխ Արման Սահակյանի՝ «Սովրանոյի Արման»-ի, տանիքի տակ, Քերոբյանը հիմնեց սննդի առաքմամբ զբաղվող Menu.am ցանցը, որն այս պահին լրջագույն ֆինանսական խնդիրներ և պարտքեր ունի։ Մասնավորապես, Menu-ի վրաստանյան մասնաճյուղը՝ Menu.ge-ն, դարձյալ խոշոր պարտքերի պատճառով դադարեցրել է գործունեությունը։ Ուշագրավ է, որ ընդամենը օրեր առաջ նույն Վահան Քերոբյանը Al Jazeera-ի հետ զրույցում պատմել էր, թե ինչպես է Հայաստանի ղեկավարությունն օգտագործել իրենց: «Մեզ հեքիաթներ էին պատմում, որ մենք ուժեղ ենք, մենք մտածում էինք, որ մեր բանակը շատ ուժեղ է, շատ մեծ է, կարող ենք անել այն ամենն, ինչ ուզենանք, մինչդեռ իրականում հանրության շրջանում որևէ մեկն իրականության մասին չգիտեր: Հիմա ունենք այն, ինչին արժանի ենք»,- պատմել է գործարարը: Ըստ նրա` քարոզչությունն այնքան ուժեղ էր, որ զինվորները հավատացած էին Ադրբեջանի բանակի նկատմամբ իրենց առավելությանը: