Շոյգուն Գերմանիայի ՊՆ ղեկավարին համեմատել է տարրական դասարանի աշակերտուհու հետ

ՌԴ Պաշտպանության նախարար Սերգեյ Շոյգուն մեկնաբանել է Գերմանիայի իր գործընկերոջ՝ Աննեգրետ Կրամպ-Կարենբաուերի հայտարարությունը, թե ինչպես կարելի է խոսել Ռուսաստանի հետ: Վերջինս, նոյեմբերի 25-ին, Բունդեսթագում իր ելույթի ժամանակ, նա կառավարությանը կոչ արեց խնայել պաշտպանական ծախսերը, որպեսզի Եվրոպան կարողանա «ուժի դիրքերից» բանակցել Մոսկվայի հետ։ Ինչպես պարզաբանեց Կրամպ-Կարենբաուերը, դա պայմանավորված է նրանով, որ «ռուսական կողմը լայնածավալ ներդրումներ է կատարել իր զինված ուժերի արդիականացման մեջ, որ ունի նոր տիպի զենք, և դրա սպառնալիքն էլ ավելի ակնհայտ է դարձել»: Խոսելով Հայրենական մեծ պատերազմում տարած հաղթանակի 75-ամյակի մասին՝ Շոյգուն հիշեց, որ այս տարի Սև ծովում հայտնաբերվել է պատերազմի ժամանակ խորտակված «Արմենիա» մոտորանավակը՝ խաղաղ բնակիչների մնացորդներով: Նախարարի խոսքով, սա պատերազմի բազմաթիվ դրվագներից մեկն է, որի մասին պետք է պատմել:
«Ներկայիս քաղաքական գործիչների սերունդը, օրինակ՝ Գերմանիայում, սկսում է մեզ կյանք սովորեցնել և պատմել, թե ինչպես պետք է մեզ հետ խոսել «ուժի դիրքերից»: Դա ավելի շատ նման է կրտսեր դպրոցի աշակերտի կողմից կատարված հարձակումներին մեկ այլ դպրոցի աշակերտների վրա: Ավելին՝ այն աշակերտի, ում մայրը կամ հայրը դպրոցի տնօրենն է, և նա կարող է իրեն թույլ տալ ամեն ինչ: Պարոնայք, մենք ուրիշ դպրոցում ենք, մենք ունենք ուրիշ տնօրեն», - ասել է ՌԴ ՊՆ ղեկավարը Կրամպ-Կարենբաուերի հայտարարության մասին: