Հայկական կողմին փոխանցված գերիները Երևանի զինվորական հոսպիտալում են․ մեկը մահացած է. ArmLur.am

ArmLur.am-ին հայտնի դարձավ, որ Ադրբեջանի կողմից գերեվարված 3 քաղաքացիական անձ այս պահին Երեւանի Կենտրոնական կլինիկական զինվորական հոսպիտալում են։ Նույն տեղեկություններով՝ զինհոսպիտալ է տեղափոխվել նաև մեկ տղամարդու դի։

Ըստ կայքի տեղեկությունների՝ գերեվարված անձինք են երեք տղամարդ եւ մեկ կին։

Հիշեցնենք, որ այսօր ավելի վաղ փոխվարչապետ Տիգրան Ավինյանի գրասենյակից հայտնել էին, որ ռուսական կողմի միջնորդությամբ հայկական կողմին են փոխանցվել երեք հայ գերիներ։