Հայաստանի ու հայ ժողովրդի դեմ ցեղասպանական ծրագրեր ունեցող դաշնակիցներին չի կարելի զիջել ոչ մի քառակուսի մետր․ պատմաբան
Հասարակություն
ՆՈՅԵՄԲԵՐԻ 9/10-ին ՀՀ ՍՏԱՆՁՆԱԾ ՊԱՐՏԱՎՈՐՈՒԹՅՈՒՆՆԵՐԸ ՋՆՋՎՈՒՄ ԵՆ
Ս. թ. դեկտեմբերի 10-ին Բաքվում Թուրքիայի նախագահ Ռ. Էրդողանի կողմից Հայոց ցեղասպանության կազմակերպիչների գովերգումը և զուգահեռաբար Ադրբեջանի նախագահ Իլհամ Ալիևի՝ Երևանի, Սևանի և Սյունիքի նկատմամբ տարածքային հավակնությունները ներկայացնում են ոչ այլ ինչ, քան այդ դաշնակից հայասպան պետությունների Հայաստանի Հանրապետությունը ոչնչացնելու ՀԱՄԱԿՑՎԱԾ ՊԱՇՏՈՆԱԿԱՆ ՔԱՂԱՔԱԿԱՆ ԴԻՐՔՈՐՈՇՈՒՄ։ Այս մասին ֆեյսբուքյան իր էջում գրել է պատմաբան, քաղաքագիտության դոկտոր Արմեն Այվազյանը։
Պատմաբանը, մասնավորապես, գրել է․
«Նրանց հայտարարությունների հնչեցումը թուրք-ադրբեջանական զորահանդեսի ժամանակ ընդգծում է այդ սպառնալից դիրքորոշումների ռազմական բաղադրիչը։
Այս համատեքստում պետք է դիտել նաև Դիզափայտ-Հին Թաղլար-Խծաբերդ հատվածում ադրբեջանական զորքերի հարձակումը, որը կոպտորեն խախտում է ս. թ. նոյեմբերի 9/10-ի Ալիև-Պուտին-Փաշինյան «եռակողմ հայտարարության» դրույթները։ Ընդսմին, ԱՄԲՈՂՋՈՒԹՅԱՄԲ Ի ՉԻՔ ԵՆ ԱՐՎՈՒՄ ԱՅԴ ՀԱԿԱՀԱՅ ՓԱՍՏԱԹՂԹԻ ՆԿԱՏՄԱՄԲ ՀԱՅԱՍՏԱՆԻ ՍՏԱՆՁՆԱԾ ՉԱՐԱԲԱՍՏԻԿ ՊԱՐՏԱՎՈՐՈՒԹՅՈՒՆՆԵՐԸ, հատկապես դրա 9-րդ կետում Մեղրիով Ադրբեջանին ու Թուրքիային միջանցիկ ճանապարհներ տրամադրելու հանցավոր հանձնառությունը։ Հայաստանի ու հայ ժողովրդի դեմ ցեղասպանական ծրագրեր ունեցող դաշնակիցներին չի կարելի զիջել ոչ մի քառակուսի մետր, այլապես նրանք այն օգտագործելու են հե՛նց մեզ բնաջնջելու նպատակով։
Հ.Գ. Կրկնեմ. կապիտուլյացիա ստորագրողները պետք է դատվեն հայկական ռազմական տրիբունալում։ ՈՉ ՄԻ ՆԵՐՈՒՄ»։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
