«День сурка». ԱՄՆ֊ում, ավանդույթի համաձայն, փորձել են արթնացնել արջամկանը (տեսանյութ)

ԱՄՆ-ում ամեն տարի՝ փետրվարի 2-ին, նշվում է արջամկան օրը։ Լեգենդի համաձայն՝ այդ օրը հարկավոր է ուշադիր հետևել, թե ինչպես է արջամուկը դուրս սողում իր անցքից, որպեսզի իմանան, թե երբ է գալու գարունը: Եթե ​​օրը արևոտ է, և արջամուկը տեսնում է իր ստվերը, ապա ձմեռը կշարունակվի ևս վեց շաբաթ: Եթե ​​կենդանին չի տեսնում իր ստվերը, այսինքն՝ օրը ամպամած է, գարունը շուտ կգա: Այդ օրվա ամենամյա արարողությունը խաթարում է կենդանու ձմեռային քունը: Տոնակատարությունը սկսվում է գիշերը՝ բարձր երաժշտությամբ հրավառությամբ: Առավոտյան՝ ուղիղ 7:25- ին, հազարավոր հանդիսատեսների առջև, փորձում են դուրս հանել արջամկանը։ 
Վերջին տարիներին ԱՄՆ-ում այս միջոցառման դեմ պայքար ծավալեցին կենդանիների պաշտպանության և բնապահպանական մի շարք կազմակերպություններ իրենց վրդովմունքն արտահայտեցին քնած կենդանուն արթնացնելու սովորույթի կապակցությամբ։ Սակայն այն այս տարի նույնպես անցկացվեց՝  այս անգամ կորոնավիրուսի համաճարակի պատճառով առցանց ռեժիմով: