Ուկրաինայի ընդդիմությունը մտադիր է իմպիչմենտի վարույթ սկսել Զելենսկու դեմ

Ուկրաինական «Ընդդիմության պլատֆորմ՝ կյանքի համար» կուսակցությունը իմպիչմենթի գործընթաց է սկսում՝ ընդդեմ նախագահ Վոլոդիմիր Զելենսկու՝ ուկրաինական մի շարք հեռուստաալիքներ փակելու որոշումից հետո, խորհրդարանի ամբիոնից այս մասին ասել է խմբակցության համանախագահ Վադիմ Ռաբինովիչը:
«Այսօր դուք հարվածում եք ժողովրդավարության, խոսքի ազատության սրտին, ժողովրդավարական անկախ Ուկրաինայի գոյությունը սպառնալիքի տակ է: Մոտ ապագայում մենք արտահերթ կուսակցության համագումար կանցկացնենք, որը կորոշի մեր հետագա քայլերը: Մենք իմպիչմենթի կարգ ենք նախաձեռնում նախագահ Զելենսկու դեմ, որը ծաղրում էր ընտրողներին և երկիրը», - ասել է Ռաբինովիչը։