Այս 6 հերոս տղաների պայքարը երկար էր, տանջալից ու դաժան և ավելի, քան 90 օրը

Հայտնվելով շրջափակման մեջ` առանց հրամանատարի, տղաները որոշեցին չհանձնվել, ամեն գնով ողջ մնալ, կռվել մինչև վերջ ու դուրս գալ շրջափակումից: Ու ոչինչ, որ 2-3 ամսվա զինծառայող էին, որ տեղանքին ծանոթ չէին, ողջ մնալու համար էլ գրեթե պայման չկար, առջևում էլ ձմեռ էր, բայց ապրելու ցանկությունն ավելի մեծ էր:

90-օրյա մաքառումներից հետո, սոված, հյուծված և ուժսապառ եղած տղաները, պարզվում է՝ կռվել են թշնամու դեմ, մինչև վերջին շունչը:

Ինչերի միջով անցաք տղերք, ու դեռ ինչե՜ր ունեիք մեզ պատմելու…..

ԼՈՒՅՍԻ ՄԵՋ ՄՆԱՔ, միշտ մեր սրտերում՝

Ալբերտ Ստեփանյան

Սամվել Սամբատով

Սասուն Պետրոսյան

Կարեն Ներսիսյան

Հայկ Հարությունյան

Գրիշա Գրիգորյան

Հ.Գ.

Բոլորը նորակոչիկներ էին և անմահացան նույն օրը 27.12.2020

Պատերազմի ավարտից 50 օր անց

Թե ինչպես եղավ, որ տղաները անտառներում մնացին բոլորովին մենակ շրջափակման մեջ՝ առանց հրամանատարի, դա առանձին պատմություն է, որի մասին դեռ շատ կխոսվի, մեղավորներն էլ կպատժվեն:

Տղաներից շատերի ծնողները մասնակցեցին որոնողական աշխատանքներին, բայց ցավոք այդպես էլ չհաջողվեց գտնել տղաներին։