Սոֆյա Ռոտարուի մասնակցությամբ թարմ տեսանյութը վախեցրել է երկրպագուներին
ԱյլՀամացանցում է հայտնվել Բեռլինում տեղի ունեցած մասնավոր երեկույթից մի տեսանյութ, որում երգչուհի Սոֆյա Ռոտարուն չի կարողանում հաղթահարել դողէրոցքը, որն այլևս հնարավոր չէ թաքցնել: Երկրպագուները կասկածում են, որ երգչուհին Պարկինսոնի հիվանդություն ունի։ Ռոտարուի կամ նրա ներկայացուցիչների կողմից մեկնաբանությունների բացակայությունը միայն ավելի է լարում իրավիճակը։ Իսկապես, դեռ փետրվարին ՌԴ ժողովրդական արտիստուհին դադարեց հայտնվել հանրության առջև, իսկ վերջին լուսանկարներում կամ տեսանյութերում նա այնքան էլ առողջ տեսք չունի, գրում է Life.ru-ն։
Ուկրաինացի երգչուհի Սոֆյա Ռոտարուի գեղեցկությանը միշտ կարելի էր միայն նախանձել. խնամված և տպավորիչ թխահերը նույնիսկ ծերության ժամանակ է սրտեր գրավում: Վերջին շրջանում 74-ամյա երգչուհին հազվադեպ է հանրությանը ներկայանում, ինչը տարաբնույթ խոսակցությունների ալիք է բարձրացրել։ Երկրպագուները ենթադրում էին, որ Ռոտարուն տեղափոխվել է արտերկիր, անհաջող պլաստիկ վիրահատություն է տարել կամ էլ հիվանդացել է, բայց նրանց մտավախությունները միայն մասամբ ճիշտ դուրս եկան։
«Մայրս իր տարիքին է: Եվ նա նույնպես Պարկինսոն ունի: Այո, ձեռքերը նույն կերպ դողում են։ Ափսոս, բուժելի չէ»,- գրել է օգտատերերից մեկը: