Հայաստանի Զինված ուժերը պատրաստ են դիմակայելու նման սպառնալիքի. միջանցք չի լինելու․ Արմեն Գրիգորյան. Factor.am

«Հայաստանի Զինված ուժերը պատրաստ են դիմակայելու նման սպառնալիքի»,- այս մասին Factor.am-ի հետ հարցազրույցում հայտարարել է ԱԽ քարտուղար Արմեն Գրիգորյանը` պատասխանելով հարցին, թե արդյոք Հայաստանը կկարողանա դիմագրավել Թուրքիային ու Ադրբեջանին, եթե վերջիններս որոշեն ուժով վերցնել այսպես կոչված` «Զանգեզուրի միջանցքը»:

«Եռակողմ աշխատանքային խմբում արձանագրված է, որ միջանցք չի լինելու։ Այս տրամաբանության շրջանակում կարելի է այս քննարկումն ավարտված համարել։ Ինչ վերաբերում է այդպիսի ավանտյուրային, բնականաբար, մենք փորձելու ենք մեր Զինված ուժերով, ինչպես նաև օգտագործելով բոլոր եղած հնարավորությունները միջազգային հանրության շրջանում կամ միջազգային կառույցներում, խափանելու ցանկացած նման գործունեություն»,- ասել է Արմեն Գրիգորյանը։

Նա նաև նշել է, որ Երևանի և Թեհրանի միջև հարաբերությունները ինտենսիվ, դինամիկ զարգանում են ու քննարկվում է նաև ռազմական համագործակցության հարցը:

«Այս պահին դեռ շատ նախնական փուլում ենք՝ պատկերացնելու, թե հետագայում ինչ կարող է լինել։ Բայց այն, որ մենք սկսել ենք այդ քննարկումները, շատ կարևոր է։ Եվ անվտանգության հարցերում Իրանի հետ համագործակցությունն ավելի առարկայական տեսք է ստանում։ Կարծում եմ, որ մեր համագործակցությունը շատ կարևոր նշանակություն է ունենալու նաև տարածաշրջանում անվտանգություն ապահովելու տեսանկյունից»,- նշել է նա։

Ամբողջական հոդվածը կարող եք կարդալ այս հասցեով: