ՆԱՏՕ-ն շահագրգռված է ռազմական գործողություններով. ՌԴ ԱԳՆ

Կիեւին աջակցությունը շարունակելու ՆԱՏՕ-ի գագաթաժողովի որոշումը հետագա ռազմական գործողություններում շահագրգռվածության մասին է վկայում։ Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ։

«Կազմակերպության անդամ երկրները բացարձակ լոյալություն ցուցաբերեցին Վաշինգտոնի, Ռուսաստանի ամբողջական զսպման նրա ուղեցույցներին հետեւելու պատրաստակամության նկատմամբ։ Գագաթաժողովում հայտարարված որոշումը՝ Կիեւի ռեժիմին քաղաքական եւ գործնական աջակցությունը շարունակելու մասին, հաստատում է դաշինքի շահագրգռվածությունը ռազմական գործողությունները շարունակելու հարցում։

Որոնվում է ցանկացած փաստարկ՝ արեւելյան թեւում ուժերի վտանգավոր եւ ապակայունացնող կուտակումը արդարացնելու համար: Հայտարարել են ՆԱՏՕ-ի չորս նոր բազմազգ գումարտակային խմբերի ստեղծման մասին Բուլղարիայում, Հունգարիայում, Ռումինիայում եւ Սլովակիայում:

Վաշինգտոնը կարող է ՆԱՏՕ-ի անցած գագաթաժողովը գրանցել իր աշխարհաքաղաքական հավաքածուում։ Հաջողվեց դաշնակիցներին կարգի հրավիրել մեր երկրի «տոտալ զսպման» եւ ինքնիշխան որոշումներ կայացնելու ու անկախ քաղաքականություն վարելու ընդունակ երկրների վրա ճնշում գործադրելու հարցում։ Այս ֆոնին «ռազմավարական ինքնավարության» մասին եվրոպացիների պնդումները պարզապես ծիծաղելի են թվում»։