Թրամփը դատի է տվել Քլինթոնին

ԱՄՆ նախկին նախագահ Դոնալդ Թրամփը Հիլարի Քլինթոնի և Դեմոկրատական ​​կուսակցության առաջնորդների դեմ հայց է ներկայացրել ԱՄՆ Ֆլորիդայի շրջանի դաշնային դատարան, հայտնում է РИА «Новости»-ն։

Նա քաղաքական գործիչներին մեղադրել է «անպատկերացնելի դավադրություն» կազմակերպելու մեջ` 2016 թվականի ընտրությունների արդյունքների վրա ազդելու նպատակով։

«Հիլարի Քլինթոնը և նրա կամակատարները <...> չարամտորեն դավադրություն են կազմակերպել՝ ներկայացնելով կեղծ պատմություն այն մասին, որ իրենց հանրապետական ​​հակառակորդը՝ Դոնալդ Թրամփը, դավադրություն է կազմակերպում թշնամական արտաքին ուժերի հետ»,- ասվում է հայցի մեջ։

Նշվում է, որ ամբաստանյալների միակ նպատակը Թրամփին «նսեմացնելն» ու հաղթելու նրա շանսերը փչացնելն է եղել։