Ավստրալիայի պատժամիջոցների ցուցակում ներառել են Սիմոնյանին, Քեոսայանին եւ Սկաբեեւային

«Ռոսիա սեգոդնյա» միջազգային մեդիախմբի ( ՄՄԽ) եւ Russia Today հեռուստաալիքի գլխավոր խմբագիր Մարգարիտա Սիմոնյանը, ռեժիսոր Տիգրան Քեոսայանը եւ «Ռոսիա 1» հեռուստաալիքի «60 մինուտ» ծրագրի հաղորդավարուհի Օլգա Սկաբեեւան ներառվել են Ավստրալիայի պատժամիջոցների ցուցակում: 

Ընդամենը երկրի ԱԳՆ-ի կողմից հրապարակված փաստաթղթում նշվում Է 22 ռուսաստանցի, որոնց գերատեսչության ղեկավար Մարիս Փեյնը համարել Է «կրեմլամետ քարոզիչներ»:

Բացի RT-ի ղեկավարից, ցուցակում հայտնվել Է «Գովորիտ Մոսկվա» ռադիոկայանի գլխավոր խմբագիր Ռոման Բաբայանը, Ռազմավարական մշակույթի հիմնադրամի, «Ինֆորոս», News Front հրատարակությունների եւ «Կամերտոն» հանդեսի ղեկավարները:

Նաեւ ցուցակում հայտնվել Է ռուսաստանցի փիլիսոփա Ալեքսանդր Դուգինի դուստրը՝ Դարյան՝ United World International-ի խմբագրության ղեկավարը: Արեւմուտքի մի շարք երկրներ ՌԴ-ի նկատմամբ նոր պատժամիջոցներ են սահմանել:

Մի շարք ընկերություններ հայտարարել են ռուսաստանյան շուկայից հեռանալու եւ ՌԴ-ում արտադրությունները փակելու մասին: Ինչպես ավելի վաղ հայտարարել են Կրեմլում, Արեւմուտքի պատժամիջոցները շատ լուրջ են, Ռուսաստանը դրանց պատրաստվել Է կանխապես, դրանց վերաբերյալ պահանջվում Է վերլուծություն եւ գերատեսչությունների համակարգում՝ պատասխան միջոցներ մշակելու համար, որոնք համապատասխանում են ՌԴ-ի շահերին, հաղորդել Է ՌԻԱ Նովոստին: