Չավուշօղլուն հայտարարել է, որ Թուրքիան չի փոխանցի Ս-400-ն Ուկրաինային

Թուրքիայի կողմից Ուկրաինային ռուսական Ս-400 զենիթահրթիռային համակարգերի փոխանցման հարցը օրակարգային չէ։ Այս մասին գրում է Vatan թերթը՝ հղում անելով Թուրքիայի ԱԳՆ ղեկավար Մևլութ Չավուշօղլուին։ Ավելի վաղ Թուրքիայի նախագահ Ռեջեփ Թայիփ Էրդողանը հրաժարվել էր Ս-400 համակարգերը փոխանցել ուկրաինական կողմին։

«Ս-400-ի գործարքը կնքվել է: Ս-400-ներն արդեն հասել են Թուրքիա։ Ինչ-որ մեկն ասում է՝ «Թուրքիան թող տա Ս-400-ը Ուկրաինային»։ Բայց սա չի քննարկվում։ Կարծում եմ՝ դա բարձրաձայնել են ամերիկացիները, բայց դա բացառվում է»,- ասել է նա։