«Ռուսաստանն իր ուժերը կենտրոնացրել է Դոնբասի գրավման վրա»․ Ուկրաինայի ՊՆ

 Ռուսաստանը Բելառուսի տարածքից տեխնիկա է տեղափոխում երկաթուղով, նաև Ուկրաինայի հյուսիսում՝ Պոլեսսկու ուղղությամբ, ռուսները դուրս են բերում որոշ զորամասեր՝ հավանաբար այլ ուղղություններ տեղափոխելու համար։ Բրովարսկու ուղղությամբ ռուսական ստորաբաժանումները դուրս են բերվում Ռուսաստանի հետ սահմանամերձ շրջաններ։ Այս մասին հայտնում  է BBC լրատվամիջոցը իր տելեգրամյան ալիքում։

«Որոշ ստորաբաժանումներ մնում են դիրքերում և անցակետերում տրանսպորտային հաղորդակցությունների երկայնքով և ժամանակավորապես գրավված բնակավայրերի ծայրամասերում: Նրանք իրականացնում են տեղանքի և քաղաքացիական օբյեկտների ականապատում»:

Շարունակվում են հրետանային գնդակոծությունները և Չեռնիգովի շրջափակումները, ինչպես նաև Խարկովի գնդակոծությունները։
Դոնբասի շրջանում ռուսական զորքերը կենտրոնացրել են իրենց ուժերը Մարիուպոլի վրա հարձակման և Լուգանսկի շրջանի Ռուբիժնե և Պոպասնայա քաղաքները վերահսկողության տակ առնելու փորձերի վրա։

Լիսիչանսկի, Ռուբեժնոյեի, Պոպասնայա և Կրեմեննայա շրջաններում ռուսական ռազմական ավիացիան անընդհատ հարվածներ է հասցնում։ Զապորոժիեի շրջանում ռուսական բանակը փորձում է պահպանել Նովոզլատոպոլ և Լյուբիմովկա գյուղերը, որոնք գտնվում են Դոնեցկի մարզի վարչական սահմանի մոտ։

Խերսոնի շրջանում ռուսական զորքերը նյութատեխնիկական բազա են ստեղծել Նովա Կախովկայի շրջանում, իսկ Նիկոլաևի և Խերսոնի շրջանների սահմանին փորձում են հրետանային գնդակոծել Ուկրաինայի զինված ուժերի դիրքերը։