Վրաստանը, Ադրբեջանը, Թուրքիան և Ղազախստանը Տրանսկասպյան միջանցքի մասին հռչակագիր են ստորագրել

Վրաստանը, Ադրբեջանը, Թուրքիան և Ղազախստանը քառակողմ հռչակագիր են ստորագրել՝ «Տրանսկասպյան Արևելք-Արևմուտք միջանցքի վերաբերյալ»՝ ընդգծելով Անդրկասպյան Արևելք-Արևմուտք միջանցքի կարևորությունը և հռչակագրի մասնակից պետությունների տարանցիկ ներուժի հզորացմանն ուղղված քայլերը: Այս մասին հայտնում է 1tv.ge-ն։

Տեղեկությունը տարածում է Վրաստանի էկոնոմիկայի և կայուն զարգացման նախարարությունը։

Նրանց խոսքով՝ հռչակագրում ընդգծվում է տրանսպորտային միջանցքների զարգացման և տարանցիկ ներուժի ավելացման, միջազգային տրանսպորտային համակարգում «Տրանսկասպյան Արևելք-Արևմուտք միջանցքի» ինտեգրման և կողմերի միջև համագործակցության ամրապնդման կարևոր դերը։

«Փաստաթղթում նշվում է նաև Բաքու-Թբիլիսի-Կարս (BTK) երկաթուղային գծի կարևոր դերը Եվրոպայի և Ասիայի միջև մրցակցային տրանսպորտի խթանման գործում և ընդգծվում է շինարարական աշխատանքների ավարտի կարևորությունը՝ բարելավելու երկաթուղու հզորությունը: Հռչակագրում նաև ընդգծվում է ենթակառուցվածքային ներդրումների զգալի անհրաժեշտությունը՝ այս երթուղիով տրանսպորտային գործառնությունների որակը բարձրացնելու համար»,- ասված է գերատեսչության հաղորդագրությունում։