Էրդողանը հայտարարել է, որ Թուրքիան զգում է Ուկրաինայում ստեղծված իրավիճակի բացասական հետեւանքները

Թուրքիան սերտ հարաբերություններ ունի Ուկրաինայի և Ռուսաստանի հետ և հավատարիմ է ուկրաինական ճգնաժամի շուտափույթ լուծմանը, քանի որ դա խախտում է համաշխարհային առևտրի հավասարակշռությունը, շաբաթ օրը հայտարարել է Թուրքիայի նախագահ Ռեջեփ Թայիփ Էրդողանը։

Նրա խոսքով, Անկարան «մեծ ջանքեր է գործադրում» ուկրաինական ճգնաժամի կարգավորման համար, քանի որ Թուրքիան հակամարտության երկու կողմերի հետ ունի «սերտ քաղաքական, տնտեսական և պատմական հարաբերություններ»։

Թուրքիայի ղեկավարը նաև ընդգծել է, որ Ուկրաինայում տեղի ունեցողի պատճառով իր երկիրը զգում է «բացասական հետևանքները», որոնք արտահայտվում են համաշխարհային առևտրի անհավասարակշռությամբ։

Էրդողանը բազմիցս հայտնել է իր պատրաստակամությունը՝ միջնորդելու Ռուսաստանի և Ուկրաինայի միջև բանակցություններում։ Ինչպես գիտեք, հենց Ստամբուլում մարտի 29-ին կայացավ բանակցությունների հերթական փուլը։ Ռուսաստանի նախագահ Վլադիմիր Պուտինը ուրբաթ օրը կայացած հեռախոսազրույցի ընթացքում շնորհակալություն է հայտնել թուրք գործընկերոջը՝ բանակցային գործընթացում ցուցաբերած աջակցության համար։