«Չեմ ուզում հավատալ, որ մեր որոշ գործընկերներ խաղեր են խաղում». Զելենսկին` ԱՄՆ-ի մասին

Նախագահ Վլադիմիր Զելենսկին ԱՄՆ առաջնորդ Ջո Բայդենին կոչ է արել Ուկրաինային տրամադրել առնվազն խորհրդային կործանիչներ։ Այդ մասին նա հայտարարել է Fox News-ին տված հարցազրույցում։

«Ես հավատում եմ, որ նախագահ Բայդենը, ինչպես Ամերիկայի ցանկացած իսկական քաղաքացի, հավատում և ցանկանում է, որ ճշմարտությունը հաղթի: Պարզապես տվեք մեզ հրթիռներ: Տվեք մեզ ինքնաթիռներ: Դուք չեք կարող մեզ տալ F-18 կամ F-19 կամ ինչ ունեք: Տվեք մեզ հին սովետական ​​ինքնաթիռներ։ Այսքանը»,- ասել է Զելենսկին։

Միաժամանակ նա հավելել է, որ արագ գործելու անկարողությունը կարող է հարց առաջացնել` արդյոք ԱՄՆ-ն իսկապե՞ս ցանկանում է օգնել Ուկրաինային, թե՞ նրանք խաղեր են խաղում։

«Չեմ ուզում հավատալ, որ մեր որոշ գործընկերներ խաղեր են խաղում»,- ամփոփեց նախագահը։