Ուկրաինայում երկու նորածինների անվանակոչել են Javelin՝ ի պատիվ համանուն զենիթահրթիռային համակարգի

Ուկրաինայի Վիննիցայի մարզում և Կիևում նորածին տղային և աղջկան անվանել են համապատասխանաբար Յան Ջավելին և Ջավելինա։ Այս մասին երկուշաբթի՝ ապրիլի 4-ին, հայտարարել են Ուկրաինայի արդարադատության նախարարությունում, գրում է korrspodent-ը։

«Իրենց նորածինների համար անուն ընտրելիս վճռորոշ է դեր խաղացել պատերազմը, որովհետև ուկրաինացիները արդեն երկրորդ ամիսն է, ինչ պայքարում են մեր պետության անկախության և ինքնիշխանության համար»,- նշել են գերատեսչությունում։

Հիշեցնենք, որ Ուկրաինայի զինված ուժերը ռեկորդ են սահմանել Javelin հակատանկային համակարգերի կիրառման արդյունավետության առումով։ Պենտագոնի տվյալներով՝դրանք ունեն թիրախին 112 կրակոցի համար 100 ճշգրիտ հարվածի արդյունավետություն։