Նորաշենիկ գյուղով անցնող գետում հայտնաբերել են տղամարդու դի․ նրան մի քանի օր է՝ որոնում էին

իչ առաջ ԱԻՆ Փրկարար ծառայության Սյունիքի մարզային փրկարարական վարչության թիվ 54 հրշեջ-փրկարարական ջոկատի հրշեջ-փրկարարները ոստիկանության Սյունիքի մարզային վարչության, ոստիկանության Կապանի բաժնի ծառայողների և մի խումբ քաղաքացիների և Նորաշենիկ գյուղի բնակիչների հետ Նորաշենիկ գյուղով հոսող գետում հայտնաբերել են տղամարդու դի, գրում է shamshyan.com-ը։

Ըստ աղբյուրի՝ փրկարարները դին  դուրս են բերել գետից։ Դեպքի վայր են ժամանել ոստիկանության Սյունիքի մարզային վարչության պետ Ալիկ Մամիկոնյան ու ոստիկանության Կապանի բաժնի պետ Արա Դավթյանը։ 

Ժամանել է նաև Սյունիքի մարզի դատախազ Էդուարդ Հարությունյանը։ Այս պահին տեղում աշխատում են Հայաստանի քննչական կոմիտեի Սյունիքի մարզային քննչական վարչության քննիչները՝ վարչության պետ Սարգիս Մարգարյանի գլխավորությամբ։ 

Ըստ նախնական տեղեկության՝ գետից դուրս բերված դին ապրիլի 3-ից որոնվող Նորաշենիկ գյուղի բնակիչ 44-ամյա Էդիկ Փ․-ն էր, որը, ըստ նախնական տեղեկության, այդ օրը կամրջից Աճանան գետն էր նետվել։ Ու այդ օրվանից ոստիկանները, հրշեջ-փրկարարներն ու քաղաքացիները որոնողական աշխատանքներ էին կատարում։