Ֆաբինյոն վնասվածք է ստացել

Անգլիական «Լիվերպուլի» կիսապաշտպան Ֆաբինյոն վնասվածք է ստացել։ Ամենայն հավանականությամբ, նա բաց կթողնի Անգլիայի գավաթի խաղարկության եզրափակիչը։

Բրազիլացի ֆուտբոլիստը փոխարինվել էր «Աստոն Վիլայի» դեմ Պրեմիեր լիգայի 33-րդ տուրի հանդիպման 30-րդ րոպեին։ Նա ծնկատակի ջլի հետ կապված խնդիր ունի, հաղորդում է Daily Mail-ը։ «Լիվերպուլը» «Աստոն Վիլային հաղթել էր 2։1 հաշվով։

Անգլիայի գավաթի եզրափակիչը տեղի կունենա մայիսի 14-ին։ «Լիվերպուլը» կմրցի Լոնդոնի «Չելսիի» հետ։

Մայիսի 28-ին էլ «Լիվերպուլը» Իսպանիայի չեմպիոն Մադրիդի «Ռեալի» հետ կվիճարկի Չեմպիոնների լիգայի գավաթը։