Գիտնականներն առաջին անգամ «կենդանի» սինթետիկ բջիջներ են ստեղծել

Գիտնականներին առաջին անգամ հաջողվել է ստեղծել արհեստական ​​էուկարիոտ բջիջ՝ աշխատող օրգանելներով, որոնք կարող են մտնել քիմիական ռեակցիաների մեջ։ Նիդեռլանդների Ռադբուդի համալսարանի մասնագետների ուսումնասիրությունը հրապարակվել է Angewandte Chemie ամսագրի վերջին համարում։

Էուկարիոտիկ բջիջները, ի տարբերություն պրոկարիոտիկ բջիջների, ունեն հատուկ օրգանելներ, որոնք ունեն իրենց գենետիկական ապարատը, բազմապատկվում են բաժանման միջոցով և շրջապատված են թաղանթով։ Այս օրգանելները մշտապես մտնում են բարդ քիմիական ռեակցիաների մեջ շատ սահմանափակ տարածության պայմաններում:

Որպես հիմնական կառուցվածք՝ հետազոտողները օգտագործել են ջրի կաթիլ, որի շուրջ կառուցել են պոլիմերային բջիջ, որն ամբողջությամբ կրկնում է էուկարիոտիկ բջիջների գործառույթները։ Օգտագործելով լյումինեսցենտային լուսավորություն՝ գիտնականները կարողացել են ցույց տալ քիմիական ռեակցիաների շղթա, որն ապացուցում է օրգանելների աշխատանքը պոլիմերային բջիջում։