Արման Ծառուկյանը հայտարարել է, որ Մախաչևը լավագույնը չէ աշխարհում

Թեթև քաշային կարգում UFC չեմպիոնի գոտու հավակնորդ, Հայաստանի դրոշի ներքո հանդես եկող Արման Ծառուկյանն ասել է, որ ռուսաստանցի Իսլամ Մախաչևը չպետք է գլխավորի լավագույն մարտիկների վարկանիշը՝ անկախ քաշային կարգերից (P4P): Նրա խոսքերը մեջբերում է Metaratings-ը՝ հղում անելով մարտիկ Բրետ Օկամոտոյին։

«Իմ կարծիքով, P4P վարկանիշում առաջին տեղը պետք է պատկանի Ջոնսին։ Իսկ Իսլամը, ինձ թվում է, պետք է երկրորդ տեղում լինի։ Բայց, իհարկե, եթե խոսենք թեթեւ քաշային կարգի մասին, ապա այստեղ նա գլխավորում է բոլոր ցուցակները»,- ասել է Ծառուկյանը։

UFC 311 մրցաշարի շրջանակներում, որը կկայանա հունվարի 18-ին Լոս Անջելեսում, երեկոյի գլխավոր մենամարտում Մախաչևը կմենամարտի Ծառուկյանի հետ։