Հունաստանը դատապարտել է Թուրքիայի կողմից օկուպացված Հյուսիսային Կիպրոսի ընդունումը Թյուրքական ժողովուրդների կազմակերպություն

Աթենքը դատապարտում է թուրք պաշտոնյաների հայտարարությունները համաշխարհային հանրության կողմից չճանաչված «Հյուսիսային Կիպրոսի Թուրքական Հանրապետությունը» (ՀԿԹՀ) Թյուրքական պետությունների կազմակերպություն (OTG) որպես դիտորդ ընդունելու մասին։ Այս մասին ասվում է Հունաստանի ԱԳՆ-ի տարածած հայտարարության մեջ։

«Փսեւդոպետության կարգավիճակի բարձրացման ցանկացած փորձ միջազգային իրավունքի և ՄԱԿ-ի Անվտանգության խորհրդի 541 և 550 բանաձևերի կոպտագույն խախտում է»,- ասվում է հայտարարության մեջ։

Ինչպես նշել են ԱԳՆ-ում, Հունաստանի դիրքորոշումը կայուն է և անսասան։ «Մենք աջակցում ենք Կիպրոսի հիմնախնդրի արդար և կայուն լուծմանը հասնելու ջանքերին, որը հիմնված կլինի ՄԱԿ-ի Անվտանգության խորհրդի համապատասխան բանաձևերի վրա և համատեղելի կլինի եվրոպական օրենսդրության հետ, այսինքն՝ (կղզում) երկհամայնքային, երկզոնալ դաշնության ստեղծմանը»,- ասվում է ԱԳՆ-ում։

Նոյեմբերի 11-ին Սամարղանդում տեղի ունեցավ Թյուրքական պետությունների կազմակերպության գագաթնաժողովը, որում ընդգրկված են Ադրբեջանը, Ղազախստանը, Ղրղզստանը, Թուրքիան և Ուզբեկստանը, իսկ Հունգարիան և Թուրքմենստանը մասնակցում են որպես դիտորդներ։ Թուրքիայի արտգործնախարարության ղեկավար Մևլութ Չավուշօղլուն Twitter սոցիալական ցանցում գրել է, որ ՀԿԹՀ-ն դիտորդի կարգավիճակ է ստացել  Թյուրքական ժողովուրդների կազմակերպությունում։

Ուզբեկստանի արտաքին գործերի նախարար Վլադիմիր Նորովը գագաթնաժողովին հաջորդած ճեպազրույցում պարզաբանել է, որ «Հյուսիսային Կիպրոսի վերաբերյալ առանձին որոշում չի ստորագրվել», հայտնել է Ուզբեկստանի ԱԳՆ մամուլի ծառայությունը։ Ինչպես ընդգծել է դիվանագետը, «չի կարող խոսք լինել Հյուսիսային Կիպրոսը որպես անկախ պետություն ճանաչելու մասին»։ Նախարարը նաև հիշեցրել է, որ ՀԿԹՀ-ն արդեն դիտորդի կարգավիճակ ունի Իսլամական համագործակցության և Տնտեսական համագործակցության կազմակերպություններում, ինչպես նաև որպես դիտորդ մասնակցում է Թյուրքական մշակույթի միջազգային կազմակերպության գործունեությանը։