Նորվեգացի արքայադուստրն ամուսնացել է և փախել՝ չվճարելով 90 հազար դոլար պարտքը

Նորվեգացի արքայադուստր Մարթա Լուիզան հրաժարվել է վճարել այն ընկերություններին, որոնք աշխատել են իր հարսանիքի վրա երեք ամիս։ Daily Mail-ը գրում է, որ Մարթան նրանց ավելի քան մեկ միլիոն կրոն (90 հազար դոլար) է պարտք։

Նորվեգական մամուլը նշում է, որ առնվազն երեք ընկերություններ բողոքում են չվճարված հաշիվներից։ Մասնավորապես, տուժել է լուսա-ձայնային սարքավորումներ տրամադրող ընկերությունը։ Հյուրանոցի տերերը, որտեղ իջեւանել են հարսանիքի հյուրերը, երկար բանակցություններ են վարել արքայադստեր մենեջերի հետ՝ համաձայնեցնելու այն գումարը, որը նա դեռ պետք է վճարի։ Տուժածներից մեկի խոսքով՝ թվում է, թե արքայադուստրը փախել է առանց վճարելու։

52-ամյա նորվեգացի արքայադուստր Մարթա Լուիզան ամուսնացել է օգոստոսի 31-ին։ Նրա ամուսինը 49-ամյա ամերիկացի Դուրեկ Վերեթն է, ով ինքն իրեն անվանում է շաման։ Չորս օր տևած շքեղ արարողությանը ներկա են եղել հարյուրավոր հյուրեր, այդ թվում՝ հայտնի մարդիկ։ Արքայադուստրը վաճառել է նկարահանման բացառիկ իրավունքները Hello ամսագրին և Netflix սթրիմինգային ծառայությանը։