Փարիզում հրաձգություն է տեղի ունեցել. կան տուժածներ

Փարիզում հրաձգության հետևանքով՝ մի քանի մարդ վիրավորվել է, հարձակվողը ձերբակալվել է. Այս մասին հայտնում է Reuters գործակալությունը՝ հղում անելով BFM TV-ին։

Ոստիկանության ներկայացուցիչը գործակալությանը տված հարցազրույցում հաստատել է մեկ անձի ձերբակալությունը։ Բնակիչներին խորհուրդ է տրվել ժամանակավորապես խուսափել թիվ 10 թաղամասի այն տարածքից, որտեղ տեղի է ունեցել միջադեպը։

Հուլիսին Փարիզի 11-րդ թաղամասում հրաձգություն է եղել նարգիլեի բարում։ Արդյունքում՝ մեկ մարդ մահացել է, չորսը՝ վիրավորվել։ Հարձակում գործողները երկուսն են եղել, նրանցից մեկին օգնել են բերման ենթարկել հաստատության հաճախորդներին։

Ապրիլին Փարիզի կենտրոնում ոստիկանությունը կրակ էր բացել մեքենայի վրա՝ պահանջը կատարելուց հրաժարվելու համար։ Մեքենայում երեք մարդ է եղել, երկուսը զոհվել են (վարորդը և ուղևորը), երրորդը տեղափոխվել է հիվանդանոց։

Նույն ամսին անհայտ անձը կրակ է բացել Փարիզի 16-րդ թաղամասի հիվանդանոցի մուտքի մոտ, ինչի հետևանքով՝ վիրավորվել է երկու մարդ՝ տղամարդ և կին։