Եթե Բաքուն և Երևանը ցանկանում են հրաժարվել ռուս խաղաղապահներից, կարող են քննարկվել այլ տարբերակներ. Լավրով

Ղարաբաղում ռուսական խաղաղապահ կոնտինգենտի զինվորականները «ամեն ժամ» շուրջօրյա միջոցներ են ձեռնարկում Լաչինի ճանապարհին իրավիճակը կարգավորելու համար՝ կապեր պահպանելով ներգրավված բոլոր կողմերի հետ։ Այս մասին դեկտեմբերի 23-ին իր ադրբեջանցի գործընկեր Ջեյհուն Բայրամովի հետ կայացած բանակցություններում հայտարարել է ՌԴ ԱԳ նախարար Սերգեյ Լավրովը։

Սակայն, ընդգծել է ռուս նախարարը, եթե Բաքուն և Երևանը ցանկանում են հրաժարվել խաղաղապահ առաքելության ծառայություններից, կարող են նստել բանակցությունների սեղանի շուրջ և քննարկել այլ տարբերակներ։

Լավրովի խոսքով, Մոսկվան անում է հնարավոր ամեն ինչ, որպեսզի լուծի Դրմբոնի և Կաշենի հանքավայրերի շահագործման հետ կապված վեճերը, որոնք գտնվում են խաղաղապահների կողմից վերահսկվող Ղարաբաղի տարածքում։

Ռուսաստանը, ինչպես և ոչ ոք, շահագրգռված է Հայաստանի և Ադրբեջանի միջև տեւական, արդար խաղաղությամբ և ռեցիդիվների կանխմամբ, վստահեցրել է ՌԴ արտգործնախարարը։

Լավրովը Բայրամովին ասել է, որ ադրբեջանական մոնիթորինգային հանձնաժողովի դաշտային այցի վերաբերյալ կողմերի համաձայնությունը խափանվել է ոչ ռուս խաղաղապահների մեղքով։ Ըստ նրա՝ դրա պատասխանատվությունը կրում է Արցախի ղեկավարությունը։