Բիլ Գեյթսը սարսափելի ապագա է կանխատեսել իր թոռների համար

Միլիարդատեր Բիլ Գեյթսն ասել է, որ մարդկությունը պետք է ակտիվորեն ֆինանսավորի տեխնոլոգիաները կլիմայի փոփոխության դեմ պայքարի համար, այլապես հաջորդ սերունդը սարսափելի ապագա կունենա։ Այս մասին հայտնում է CNBC-ն։

«Ածխածնի զրոյական արտանետումների հասնելը մարդկության համար ամենամեծ մարտահրավերն է լինելու: Երեք տասնամյակի ընթացքում պետք է հեղափոխենք ամբողջ տնտեսությունը՝ այն, թե ինչպես ենք իրեր ստեղծում, շարժվում, արտադրում էլեկտրաէներգիա, աճեցնում սնունդ և պահպանում ջերմությունն ու սառնությունը», - ասել է գործարարը:

Լավ նորությունն, ասում է Գեյթսը, այն է, որ կլիմայական տեխնոլոգիաների ոլորտում ներդրումները գերազանցել են իր սպասումները: «Վերջերս ես սկսեցի աշխարհին նայել նոր ոսպնյակով. հաջորդ տարի ես պապիկ եմ դառնալու», - ասել է նա:

Միլիարդատերը բացատրել է, որ այժմ մարդկության խնդիրներն ավելի էմոցիոնալ է ընկալում։ «Երբ մտածում եմ աշխարհի մասին, որտեղ իմ թոռնիկը ծնվելու է, ուզում եմ օգնել բոլոր թոռներին գոյատևելու և բարգավաճելու հնարավորություն ստանալ: Եթե ​​չհասնենք զրոյական արտանետումների, ապա մեր թոռները կմեծանան սարսափելի աշխարհում»,- եզրափակել է Գեյթսը։