Բժիշկները հիվանդի լեղապարկից հեռացրել են 382 քար (լուսանկարներ)

Հնդկաստանի Մադհյա Պրադեշ նահանգում վիրաբույժները Յաշոդա Բայ անունով հիվանդի լեղապարկում հայտնաբերել են 382 քարեր: Այս մասին հայտնում է Time Bulletin-ը։

Կինը գյուղի հիվանդանոց է դիմել մեջքի և կրծքավանդակի ուժեղ ցավերի պատճառով։ Ավելի ուշ Բայիի ընտանիքը խորհրդակցել է և տարել նրան քաղաքի բժշկական հաստատություն՝ ախտորոշվելու համար:

Բժիշկները ուլտրաձայնային հետազոտություն են անցկացրել եւ նրա լեղապարկում հայտնաբերել 382 քար, որոնցից մի քանիսի տրամագիծը հասնում էր մեկ սանտիմետրի։ Բայը երկու ժամ տևած վիրահատության է ենթարկվել, որի ընթացքում վիրաբույժները հեռացրել են նրա լեղապարկը՝ ներսի քարերի հետ միասին։ Կինը այժմ ապաքինվում է հիվանդանոցում։

Լեղաքարերը մարսողական հեղուկի կարծրացած նստվածքներ են: Ամենափոքրը կարող է լինել ավազահատիկի չափ, մինչդեռ ամենամեծը կարող է լինել գոլֆի գնդակի չափ: Կանանց մոտ լեղապարկի քարերն ավելի հաճախ են առաջանում, քան տղամարդկանց մոտ։ Դրանց առաջացման պատճառները լիովին պարզված չեն։