Բրիտանուհուն ձերբակալել են աբորտների կլինիկայի դիմաց աղոթելու համար
Այլ
Անգլիայում ոստիկանությունը ձերբակալել է մի կնոջ, ով աղոթել է աբորտների կլինիկայի դիմաց, գրում է New York Post-ը։
Տեղական լրատվամիջոցների փոխանցմամբ՝ ձերբակալվածի անունը Իզաբել Վոն-Սփրուս է։ Կինը հայտնի է նրանով, որ դեմ է հղիության արհեստական ընդհատմանը, և այդ ուղղությամբ ակտիվ քարոզարշավ է իրականացնում Բրիտանիայում։ Միջադեպի ականատեսների խոսքով՝ բրիտանուհին լուռ նստել է կլինիկայի կողքին ու ուշադրություն չի գրավել։
Ոստիկանները մոտեցել են Իզաբելին և հարցրել, թե ինչ է նա անում։ Նա պատասխանել է, որ «մտքում աղոթում է»։ Դրանից հետո սպաները կնոջն առաջարկել են իրենց հետ գնալ բաժին՝ հարցաքննության։
«Դուք ձերբակալված եք։ Ձեզ մեղադրանք է առաջադրվել հասարակական վայրերի պահպանության կարգին չհետևելու համար»,- պարեկային ծառայության խոսքերն են փոխանցում ականատեսները։
Սոցցանցերի շատ օգտատերեր, իմանալով միջադեպի մասին, վրդովվել են իշխանությունների գործողություններից։
«Սա բացարձակ խելագարություն է։ Ինչպե՞ս կարելի է մարդուն ձերբակալել աղոթելու համար», — զարմացել են մեկնաբանները։
ՈՒՂԻՂ ԵԹԵՐ
Ամենադիտված 
Երևանի 3 վարչական շրջանում 36 ժամ ջուր չի լինի
