Կինը կազինոյում շահել է ավելի քան մեկ միլիոն դոլար և բաժանել շահած գումարը

ԱՄՆ Նյու Ջերսի նահանգի 74-ամյա բնակչուհին կազինոյում ավելի քան մեկ միլիոն դոլար է շահել ու գումարը բաժանել դիլերներին ու խաղացողներին։ Այս մասին հայտնում է NBC Philadelphia-ն։

Կինը պոկերում խաղադրույք է կատարել հինգ դոլար և շահել ավելի քան 1,6 միլիոն դոլար՝ հաղթելով ֆլեշ ռոյալ ամենահազվագյուտ և ամենաուժեղ համադրությամբ: Հաղթողը ստացել է իր շահումները, այնուհետև մոտեցել պոկերի սեղանին և 77,000 դոլար գցել դրա վրա: «Նա ասել է՝ «Շնորհակալություն խաղի համար: Դա ձեր փողն է», - պատմել է խաղի դիլերը:

Սակայն կինը թեյավճարներով չի սահմանափակվել։ Նա 100 դոլար է բաժանել կազինոյում գտնվող բոլոր խաղացողներին։ «Զարմանալի է, որ նա նման արարք արեց տարվա այս եղանակին, հատկապես տոների և Սուրբ Ծննդյան օրերին: Մենք երախտապարտ ենք, որ ունենք նրա նման հյուրեր»,- իր տպավորություններով է կիսվել կազինոյի գլխավոր մենեջեր Գրեգ Քլայնը։