Փարիզում բախումների հետեւանքով տուժել է 5 ոստիկան

Փարիզում երեք քուրդ ակտիվիստների սպանության պատճառով տեղի ունեցած բախումների հետեւանքով վիրավորվել է հինգ ոստիկան, հայտնում է BFMTV-ն՝ վկայակոչելով իրավապահ մարմինների աղբյուրը։

«Քրդերի ներկայացուցիչները սկսել են հրկիզող խառնուրդներ նետել իրավապահների ուղղությամբ։ Հինգ ոստիկան վիրավորվել է, մեկ մարդ բերման է ենթարկվել»,- հաղորդում է հեռուստաալիքը։

Հիշեցնենք, որ 69-ամյա տղամարդը կրակ է բացել Փարիզի 10-րդ թաղամասում: Նրան բերման են ենթարկել. նգործողության շարժառիթներն անհայտ են։ Ըստ Agence France-Presse-ի՝ նա ազգությամբ ֆրանսիացի է, որը ոստիկանությանը հայտնի է 2016 եւ 2021 թվականներին իրականացրած մահափորձերով։ Վերջին տվյալներով՝ կրակոցների հետեւանքով երեք մարդ է մահացել, տուժածներից երկուսի վիճակը ծանր է, եւս երկուսինը՝ միջին ծանրության։ Փարիզի դատախազությունը սպանության գործով հետաքննություն է սկսել։ Մահացածները՝ երկու տղամարդ եւ մեկ կին, պատկանել են Փարիզի քրդական համայնքին, հայտնել է Ֆրանսիայի քրդական դեմոկրատական ​​խորհուրդը (CDK-F): Փարիզի դատախազությունը սպանության գործով հետաքննություն է սկսել։

Այս պահին ոստիկանները գործողությունն իրականացնողի տանը խուզարկություններ են իրականացնում։