Կեմերովոյում մասնավոր ծերանոցում հրդեհ է բռնկվել. 20 մարդ է զոհվել

Կեմերովոյի մասնավոր ծերանոցում հրդեհ է բռնկվել։ Զոհվել է 20 մարդ, գրում է ՏԱՍՍ-ը։ 

Ամբողջությամբ այրվել է շենքի երկրորդ հարկը։ Դեպքի պահին այնտեղ 26 մարդ է եղել։  Առաջին հարկում եղել են խանութներ։

ՌԴ Արտակարգ իրավիճակների նախարարության մարզի գլխավոր տնօրինության վերջին տվյալներով՝ արտակարգ դեպքի զոհ է դարձել 20 մարդ։ Երկու տուժածներ այրվածքներով հոսպիտալացվել են և գտնվում են ծանր վիճակում, ևս չորս հոգի ամբուլատոր բուժում են ստանում։

Հրդեհի մասին ահազանգը փրկարարները ստացել են Մոսկվայի ժամանակով՝ 22:21-ին։ Մինչ հրշեջների ժամանումը՝ տանիքը այրվել է։ Արդյունքում՝ հրդեհի մակերեսը կազմել է 180 քմ։ Մարման աշխատանքներին ներգրավվել է ավելի քան 80 մարդ և 28 միավոր տեխնիկա։