Ֆրանսիայի նախկին առաջին տիկինը լողազգեստով լուսանկար է հրապարակել
ԼուսանկարներՄոդել, երգչուհի, Ֆրանսիայի նախկին նախագահ Նիկոլա Սարկոզիի կինը՝ Կարլա Բրունին, իր 55-ամյակի կապակցությամբ լողազգեստով լուսանկար է հրապարակել։ Նախկին առաջին տիկինը Instagram-ի բաժանորդների հետ կիսվել է համապատասխան նկարով։
Անցած ուրբաթ՝ դեկտեմբերի 23-ին, Կարլա Բրունին դարձավ 55 տարեկան։ Կարլայի շատ ընկերներ սոցիալական ցանցերում շնորհավորել են նրան տարեդարձի կապակցությամբ, մասնավորապես, ընկերուհիներից մեկը աստղի լուսանկարն է հրապարակել բիկինիով։ Բրունին նկարը վերահրապարակել է իր էջում։
Կադրում Ֆրանսիայի նախկին առաջին տիկինը կեցվածք է ընդունել ժայռերի մեջտեղում երկու մասից բաղկացած սպիտակ լողազգեստով։
Չնայած տարիքին՝ Կարլա Բրունին շարունակում է զբաղվել մոդելային գործունեությամբ։ Այս տարվա սեպտեմբերին նա Նաոմի Քեմփբելի հետ քայլել է պոդիումով՝ Միլանի Նորաձևության շաբաթվա Tod's ցուցադրության ժամանակ, իսկ հետո կիսամերկ նկարահանվել է Elle ամսագրի դեկտեմբերյան շապիկի համար։