ԱՄՆ-ում հայտարարել են Բայդենի և Զելենսկու միջև տարաձայնությունների մասին

Ուկրաինայի նախագահ Վոլոդիմիր Զելենսկու այցը Միացյալ Նահանգներ բացահայտեց իր և Միացյալ Նահանգների նախագահ Ջո Բայդենի միջև Ուկրաինայի ապագայի վերաբերյալ նրանց տեսակետների խորը տարաձայնությունները, գրում է Washington Post-ի սյունակագիր Դեյվիդ Իգնատիուսը:

Ըստ լրագրողի՝ ուկրաինացի առաջնորդի այս այցը «ռազմական գագաթնաժողով» էր, որն ավարտվեց «երկու դաշնակիցների միջև ուկրաինական հակամարտությունը դադարեցնելու իրենց ռազմավարության վերաբերյալ անջրպետով»։

Նա նշել է, որ Զելենսկին իր ելույթի ժամանակ խոսել է հակամարտությունում «բացարձակ հաղթանակի» մասին՝ 11 անգամ օգտագործելով այս արտահայտությունը, մինչդեռ ԱՄՆ նախագահը նույնիսկ մեկ անգամ չի օգտագործել՝ «դիմակայելով «տոտալ հաղթանակի» հռետորաբանությանը։ Փոխարենը, Սպիտակ տան ղեկավարը «խոստացավ խրախուսել Կիևի անսասան վճռականությունը»՝ «իր սեփական ուղին ընտրելու» և խոստացավ Վաշինգտոնի աջակցությունը «այնքան ժամանակ, որքան դա կպահանջվի», - ասում է հեղինակը:

Դեկտեմբերի 21-ին Զելենսկին, ինչպես հայտնի է, մեկնել է Վաշինգտոն, որտեղ հանդիպել է Բայդենի հետ և ելույթ է ունեցել Միացյալ Նահանգների Կոնգրեսում։ Ամերիկայի նախագահը ուկրաինացի գործընկերոջ հետ հանդիպման ժամանակ հայտարարել է վերջինիս պատրաստ լինելու մասին Ռուսաստանի հետ խաղաղություն հաստատելու հարցում։