«Սեպտեմբերյան բախումները մեզ ապագայում կապահովագրեն մեծ խնդիրներից»․ Ալիև
Աշխարհ
«Տարվա ընթացքում տեղի ունեցան բազմաթիվ կարևոր իրադարձություններ: Մեզ ստիպեցին ռազմական գործողություն իրականացնել ադրբեջանա-հայկական սահմանին: Այս ռազմական գործողության արդյունքում մեր պատմական քաղաքներն (նկատի ունի ՀՀ Սյունիքի մարզում գտնվող քաղաքները - խմբ․) այսօր արդեն վիզուալ տեսանելիության գոտում են»։ Այս մասին հայտարարել է Ադրբեւանի նախագահ Իլհամ Ալիևը։
Նա ասել է, թե իբր ադբեջանցի զինվորականներն արդեն Սևանա լճի ափին են։
«Նախ, կարծում եմ, որ դա արդարացի է: Երկրորդ՝ սեպտեմբերյան բախումները մեզ ապագայում կապահովագրեն մեծ խնդիրներից,- ասել է Ալիևը։
Նա այս անգամ էլ զերծ չի մնացել հայատյաց հայտարարություններից՝ պնդելով, թե «Հայաստանում նորմալ մտածողությամբ մարդ գործնականում չի մնացել»։
«Նրանք կրկին հույս ունեն, որ իրենց փոխարեն ինչ-որ մեկը կգա և կկռվի մեզ հետ, և նրանք, ինչպես միշտ թաքնվելով այս կամ այն հովանավորի թիկունքում, նորից կիրականացնեն մեր դեմ ուղղված իրենց նենգ ծրագրերը»,- նշել է պետության ղեկավարը։
Ալիևը խոստովանել է, որ իր նախաձեռնությամբ են սեպտեմբերին ադրբեջանական զորքերն օկուպացրել հայկական տարածքները. «Սրանից ապահովագրվելու համար մենք անպայման պետք է գրավեինք ավելի բարենպաստ դիրքեր ադրբեջանա-հայկական սահմանի երկայնքով, և մենք դրան հասել ենք»,- ասել է նա:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
