Ալիևը հայտարարել է, թե ՄԱԿ-ը «հերթական սադրանքն» է նախապատրաստում Ադրբեջանի դեմ
Ադրբեջան
Ադրբեջանի նախագահ Իլհամ Ալիևը մեկնաբանել է Լաչինի միջանցքի փակումն ադրբեջանցի «բնապահպանների» կողմից և հայտարարել է ՄԱԿ-ում նախապատրաստվող «հակաադրբեջանական սադրանքի» մասին, հաղորդում է Intefrax.az-ը։
«Այսօր Լաչինի ճանապարհին տեղի ունեցող իրադարձությունները հերթական հակաադրբեջանական հիստերիայի պատճառ են դարձել։ Այստեղ ոչ միայն Հայաստանը, այլ գուցե նույնիսկ ավելին, նրանց հովանավորները արտերկրում, նրանց թիկունքում գտնվող պետությունները զրպարտչական արշավ են սկսել Ադրբեջանի դեմ, և մինչ մենք հանդիպում ենք, ՄԱԿ-ը հերթական սադրանքն է պատրաստում մեր դեմ»,- շաբաթ օրը ասել է Ալիևը։
Նրա խոսքով՝ «արդեն մի քանի օր է, ինչ առանձնահատուկ եռանդով աչքի ընկնող որոշ երկրներ վճռական են տրամադրված՝ իրականացնելու իրենց հերթական կեղտոտ ծրագրերը մեր դեմ»։
«Բայց նրանք մինչև հիմա ոչինչ չեն կարողանում անել, մի քանի օր է՝ կռվում են», - ասել է Ալիևը՝ հավելելով, որ «հաջորդ շաբաթ էլ նրանք կրկին ջանքեր կգործադրեն»։
«Ոչ ոք չի կարող ազդել մեզ վրա։ Կարող են լինել զանգեր, կարող են լինել ինչ-որ հայտարարություններ, դրանց վրա ուշադրություն դարձնել պետք չէ։ Մենք այս կոչերին պատասխանում ենք պարզապես քաղաքական քաղաքավարությունից դրդված: Բայց դա ամենևին էլ չի փոխի մեր դիրքորոշումը»,- ասելի է Ադրբեջանի բռնապետը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
