Գիտնականները պարզել են, որ շատ աղ օգտագործելը մեծացնում է սթրեսի մակարդակը

Էդինբուրգի համալսարանի գիտնականները պարզել են, որ աղի մեծ քանակությունը հանգեցնում է սթրեսի ավելացման: Գիտնականների աշխատանքը հրապարակվել է Cardiovascular Research ամսագրում։

Թիմը փորձարկում է անցկացրել մկների հետ. գիտնականներն աղի պարունակությամբ սնունդով կերակրել են արու մկների երկու խմբի՝ առաջինին երկու շաբաթվա ընթացքում, երկրորդին՝ ութ շաբաթվա։

Այնուհետև գիտնականները վերլուծել են մկների արյան նմուշները: Նրանք պարզել են, որ սթրեսի հորմոնի՝ կորտիզոլի մակարդակը բարձր է եղել փորձի մասնակից մկների մոտ: Ընդ որում, հորմոնի մակարդակն ավելի բարձր է եղել ինչպես հանգստի, այնպես էլ սթրեսի ժամանակ։ Գիտնականները նաև վերցրել և վերլուծել են որոշ մկների ուղեղի հյուսվածքների նմուշները մահից հետո: Նրանք հայտնաբերել են այնպիսի գեների ակտիվության բարձրացում, որոնք ուղեղում արտադրում են թրեսի արձագանքման համար պատասխանատու սպիտակուցներ:

Հետազոտողների կարծիքով՝ աղի ավելացված քանակության օգտագործման այս ազդեցությունը կարող է դիտվել նաև մարդկանց մոտ։ Հետագայում գիտնականները կշարունակեն ուսումնասիրել աղի ազդեցությունը կենդանիների օրգանիզմի վրա։