Երեք օրում ոստիկանները բացահայտել են 108 հանցագործության դեպք. գրանցվել է 39 ավտովթար, զոհվել է 3, վիրավորվել 58 մարդ

Իրավունք 26 Դեկտեմբեր, 2022 13:23

Ըստ ոստիկանության օպերատիվ հաղորդագրությունների ամփոփագրերի՝ դեկտեմբերի 23-ից 26-ը Հայաստանի Հանրապետության ոստիկանության ստորաբաժանումները բացահայտել են հանցագործության 108 դեպք, որից 4-ը՝ նախկինում կատարված։

Ոստիկանությունից հայտնում են, որ մասնավորապես՝ թմրամիջոցի հայտնաբերման՝ 18, անձնական ունեցվածքի գողության և ընտանեկան բռնության՝ 16-ական, մարմնական վնասվածք պատճառելու՝ 10, խարդախության՝ 7, զենք-զինամթերքի առգրավման ու սառը զենքի հայտնաբերման՝ 4-ական, պետական-հասարակական ունեցվածքի գողության՝ 3, սպանության, ապօրինի ծառահատման, պաշտոնեական լիազորությունների չարաշահման և հոգեկան ներգործության՝ 2-ական, անձի առևանգման, բնակարանային գողության, ավտոմեքենա փախցնելու, դրամանենգության, գույքը դիտավորությամբ ոչնչացնելու, հարկերից խուսափելու, համակարգչային հանցագործության, խուլիգանության, ապօրինի ձեռնարկատիրական գործունեության, անձնական կամ ընտանեկան կյանքի գաղտնիությունը խախտելու, ջրային կենդանիներ ապօրինի որսալու կամ ջրային կենդանիներ կամ ջրային բույսեր ապօրինի արդյունահանելու, ապացույցներ, բացատրություններ կամ դատավարական փաստաթղթեր կամ օպերատիվ-հետախուզական միջոցառման արդյունքով ստացված տվյալներ կամ առարկաներ կեղծելու, փոխելու, ոչնչացնելու կամ թաքցնելու կամ կեղծ ապացույցներ ներկայացնելու, գույքային վնաս պատճառելը սպառնալիքի կամ բռնություն գործադրելու միջոցով, հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության, ինքնիրավչության, կենդանիների նկատմամբ դաժան վերաբերմունքի ու բուժաշխատողի կողմից մասնագիտական պարտականությունները չկատարելու կամ ոչ պատշաճ կատարելու՝ 1-ական դեպք։

Հայտնաբերվել են 1 անհետ կորած, 9 հետախուզվող։ Կամավոր ներկայացել է 2 հետախուզվող։

Գրանցվել է զենք-զինամթերքի կամավոր հանձնման 2 դեպք։

Նախկինում կատարված հանցագործություններից բացահայտվել է անձնական ունեցվածքի գողության, բնակարանային գողության, ապօրինի ծառահատման և խուլիգանության 1-ական դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 39 պատահար. 3 մարդ զոհվել է, 58-ը՝ ստացել տարբեր աստիճանի մարմնական վնասվածքներ: