Լեոնարդո Դի Կապրիոն հարևանների հետ ունեցած սկանդալից հետո գնել է նրանց տունը

Ամերիկացի դերասան Լեոնարդո Դի Կապրիոն Լոս Անջելեսում գնել է իր հարեւանների տունը, որոնց հետ վիճել էր մի քանի տարի առաջ՝ շինարարական աշխատանքների պատճառով։ Հաղորդում է Dirt-ը։

Դի Կապրիոն իր հարևաններից գնել է անշարժ գույքը Բըրդ Սթրիթի տարածքում, որտեղ նա ևս մեկ տուն ունի: Դերասանը օբյեկտի համար վճարել է 10,5 մլն դոլար։ Սկանդալը կապված էր նոր գույքի հետ։ 2007 թվականին Դի Կապրիոյի հարևանները՝ ամուսիններ Ռոն և Ջոան Լինկլաուն, դերասանին մեղադրել էին իրենց գույքը վնասելու մեջ՝ իր տարածքում բասկետբոլի դաշտ կառուցելու ժամանակ։ Սակայն դերասանը հայտարարել էր, որ նրանց տարածքում առկա խնդիրները կապված են ապօրինի շինարարության հետ։

Արդյունքում 2009 թվականին վեճը լուծվել է արտադատական ​​կարգով։ 2022 թվականին Ջոանը մահացավ, իսկ որոշ ժամանակ անց նրա ամուսինը տունը վաճառեց Դի Կապրիոյին։ Օբյեկտը պաշտոնապես վաճառքի չի հանվել։ Այս պահին հայտնի է, որ այն կառուցվել է 1960-ական թթ.։ Ներսում կա երեք ննջասենյակ և չորս լոգասենյակ։ Տարածքում կա լողավազան, ավտոտնակ և հյուրատուն։